Në luftë është e lehtë kur e njeh armikun me të cilin përballesh,por kur lufta bëhet në qytetin tënd, dhe armiku është një virus,cila është arma jote?
Robert Neville (Will Smith) është një shkencëtar brilant,por vetëm ai nuk mbart virusin e tmerrshëm, të pandalshëm dhe të pa kurueshëm.
I paprekur nga virusi,ai është I fundit human i mbijetuar nga çfarë ka mbetur nga Nju Yorku,mbase dhe në botë.
Ai nuk është vetëm,por me banorët e tjerë të qytetit,të infektuar dhe të shndërruar në mishngrënës.Ata sillen në errësirë në përpjekje për të infektuar kë të mundin.Për tre vjet me rradhë,Neville kalon ditët në kërkim të ushqimit, pajisjeve dhe me shpresën se duke dërguar mesazhe me radio, në dëshpërim të gjejë të mbijetuar të tjerë.
Ndërkohë, turma e infektuar ,strukur nëpër hije,prêt lëvizjen e gabuar të tij.
Misioni i vetëm që i ngelet për shpresë është të gjejë antivirusin duke përdorur gjakun e tij.
Neville s’ka shumë kohë,është i vetëm dhe të infektuarit janë në gjueti për gjakun e tij.

Kritika:

“ 1/3 e filmit është një shëtitje me ngarkesë të lartë emocionesh në pas-apokalipsin e Manhatanit,e s’mund të rrish pa pyetur si është realizuar “ Carina Cochano, Los Angeles Times

“ W. Smith ,duke ecur në hapat e Vincent Price dhe Charlton Heston, të cilët kanë luajtur më herët në versione të tjera karakterin e Neville, i zhvlerëson që të dy.Ka hijeshi dhe lirshmëri në performancën e këtij aktori,qe demostron se kush është vërtet një yll kinematografik “
A. O. Scott, New York Times